இறக்கைகளுக்கான செய்முறை விளக்கங்கள்
வண்டுகளையொத்த இறக்கைகள் இன்றி
பறக்க முயற்சிக்கின்றன பூக்கள்...
வலுவில்லாத பூவிதழ்களால்
பெருமுயற்சிசெய்து இரண்டொரு முறை
பறக்கவும் செய்கின்றன அவைகள்...
தின்மை அடைத்த காற்றின்வெளி
பூக்களுக்காய் செய்த உதவிகள்
கரைந்து விடுகின்றன கவனிப்புகளின்றி...
புதுப்பித்தலின் படையெடுப்புக்களில்
மரணித்துவிடும் வாசங்களைப் பற்றிய
அக்கறைகள் உயிருடன் புதைக்கப்பட்டுள்ளன...
பூவிதழ்களுக்காய் வாசங்களை மீட்டெடுக்கும்
இறக்கைகளுக்கான செய்முறை விளக்கங்களின்
ஒரு பகுதி வண்டுகளுடன் கிடைக்கலாம்...
- ராம்ப்ரசாத் சென்னை (ramprasath.ram@googlemail.com)
#நன்றி
உயிரோசை இலக்கிய இதழ்(http://uyirmmai.com/uyirosai/Contentdetails.aspx?cid=3462)
