💕💕 காதல் சோலை - 8 💕💕
நீ வீசும் காதல் வலைகளில்
நான் விரும்பிச் சிக்கிக்கொள்ள
வலையை அம்போவென விட்டுவிட்டு
அடுத்த வலை வீசச் சென்றுவிடுகிறாய்....
உனக்கு இருக்கும்
ரகசிய ரசிகர் மன்றங்கள்
ஒரு முன்னணி நடிகைக்குக் கூட
இருந்ததில்லை...
பூப்பது பூக்களென்றாலும்
வாசம் வீசுவதென்னவோ
நீ தான்....
நீ
காவல்துறைக்குத் தேர்வானால் கூட
கண்களால் தான்
கைது செய்வாய் போலிருக்கிறது....
பச்சை விளக்கு வந்தால்
ரயில் வரும் என்பது போல
நீ வந்தால்
காதல் வந்துவிடுகிறது....
உன்னை
எத்தனை வாசித்தாலும்
முதல் பக்கத்தைக் கூட
தாண்ட முடிவதில்லை....
உன் பேச்சை மட்டுமே
கேட்கக் காத்திருக்கும் என்னிடம் தான்
நீ
ஒரு வார்த்தையும்
பேசுவதில்லை.....
