கோர முகம்
தளும்பித் தளும்பி நிரம்பி
மின்சார விளக்கொளி
அறை முழுவதும்
இருட்டை விரட்டுகிறது...
ஆனாலும்
சின்னஞ்சிறு
தேநீர் கோப்பையின்
முதுகில் கொஞ்சமேனும் இருள்
அடர்த்தியாய் படிவதைத்
தவிர்க்க முடிவதில்லை...
சில நேரங்களில் வெளிப்படும்
மனிதர்களின்
கோர முகங்கள் போல...
- ராம்ப்ரசாத் சென்னை(ramprasath.ram@googlemail.com)
# என் கவிதையை வெளியிட்ட ராணி வார இதழுக்கு என் நெஞ்சார்ந்த நன்றிகளைத் தெரிவித்துக்கொள்கிறேன்.
