கவனிப்பாரின்றி
சுற்றிலும் இருளாய்
மத்தியில் வட்டவொளியென
இரவைப் போலவே
அரிதாரம் பூசியிருந்தது
அந்த ரயில் நிலையம்...
அனாதையாய் ரயில் நிலையத்திற்கு
காவலாய் நிற்கின்றன சில
மின் கம்பங்கள் அருகருகே...
மின் கம்பங்களின் தலையில்
வட்ட ஒளியைச்சுற்றிச்சுற்றி
விட்டில் பூச்சிகள் ரீங்கரிக்க
கீழே குட்டைத்தண்ணீரில்
குவிந்துகிடக்கிறது பாலொளி
கவனிப்பாரின்றி...
- ராம்ப்ரசாத் சென்னை(ramprasath.ram@googlemail.com)