காதல் சோலை - 2
நீ எத்தனை பாரபட்சமானவள்
தெரியுமா?
நான் உன்னை தேவதை ஆக்கினேன்...
நீயோ என்னை பைத்தியமாக்குகிறாய்...
உன் அடையாள அட்டையில்
"என்னைப் பார், காதல் வரும்!!!'
என்று தான்
எழுதவேண்டும்....
'இலவசங்களே வேண்டாம்'
என்று சொல்லும் நீ
எனக்குக் காதலைத் தந்தது
இலவசமாகத்தான்...
நீ வரையும் கோலங்கள்
அழகாய்த்தானிருக்கின்றன...
உன்னையும் உன் கோலத்தையும்
பார்க்கும் நான் தான்
அலங்கோலமாகிவிடுகிறேன்....
செத்துப்போனவன் மீது கூட
வெறுப்பு வருகிறது...
அவனுக்கு நீ
மெளன அஞ்சலி செலுத்தினால்....
ஒரு மரங்கொத்தி போல்
துளையிட்டு
நிரப்புகிறாய் காதலை
என் பிஞ்சு நெஞ்சுக்குள்.....
- ராம்பிரசாத்