பிப்ருவரி 2020ல் துவங்கி கடந்த ஆறு மாதங்களில் சுமார் 12 அறிபுனை சிறுகதைகள் வெளியாகியிருக்கின்றன. இவற்றில் மூன்று கதைகளுக்குக் கிடைத்த மேலும் சில பின்னூட்டங்களை இங்கே பகிர்வதில் மகிழ்கிறேன். இந்த பின்னூட்டங்களே ஆச்சர்யம் கொள்ள வைக்கின்றன.
அறிபுனைகள் எழுதுவது ஒரு சவாலென்றால், அதைச் சரியாகப்புரிந்துகொள்ளக்கூடியவர்கள் அதை வாசிப்பது இன்னொரு சவால். பரவலாக, அறிபுனை, மற்றும் கணிதபுனைவுகளை எடுத்த எடுப்பிலேயே தவறான கோணத்தில் அணுகி, புரியாமல் விலகிச்செல்பவர்களே தமிழில் அதிகம். இந்தப் பின்னூட்டங்கள், தமிழில் சிக்கலான Astrophysics, மற்றும் அறிவியலின் அடிப்படைகளில் நல்ல புரிதல் கொண்டவர்களின் எண்ணிக்கை அதிகமாகியிருப்பதையே காட்டுவதாக எடுத்துக்கொள்கிறேன்.
