Tuesday, 14 February 2017

உங்கள் எண் என்ன- நாவல் - குங்குமம் விமர்சனம் - 4

20.ஜனவரி.2017 தேதியிட்ட குங்குமம் இதழில் "ரீடிங் கார்னர்" பகுதியில் எனது "உங்கள் எண் என்ன" நாவல் நூலுக்கு விமர்சனம் வெளியாகியிருப்பதை இன்று தான் இணையத்தில் கவனித்தேன். கிட்டத்தட்ட ஒரு மாதம் கழித்து கண்ணில் படுகிறது.

ஒரு பேச்சுக்கு நான் இந்த நூலை எழுதியிருக்கவில்லையென்றாலும் இந்த நாவலை உலகத்தரம் என்று  கற்பூரம் ஏற்றி சத்தியம் செய்திருப்பேன். ஆனால் எழுதியது நானாயிற்றே. நம் நாவலைப்பற்றி நாமே எப்படி சொல்லிக்கொள்வது? அடக்கமோ என்ன கருமாந்திரமோ, பெருமையாக சொல்லிக்கொள்ள விடவில்லை.  ஆனால் பத்து லட்சம் பேருக்கு குங்குமம் பத்திரிக்கை சொல்லிவிட்டது.

எனக்கு தோன்றியதே குங்குமம் இதழாசிசிரியர் குழுவுக்கும் தோன்றியிருப்பது குறிப்பிடத்தக்கது என்றே நினைக்கிறேன். அந்த வகையில் குங்குமம் இதழின் விமர்சனத்தால் பேருவகை அடைகிறேன். தன்னம்பிக்கையின் நரம்புகள் பலம் பெறுகின்றன‌.

நண்பர்கள் யாரிடமேனும் இந்த இதழின் பிரதி இருந்தால் ஸ்கேன் செய்து அனுப்ப இயலுமா? இந்த நாவல் குறித்த எல்லாவற்றையும் ஆவணத்தப்படுத்த தேவைப்படுகிறது.





No comments: