Monday, 2 April 2012

காட்சிகள்

காட்சிகள்




எப்போதும் உரத்த குரலில்
ஓயாமல் பேசிக்கொண்டிருக்கும்
மின்சார விளக்கு
இன்று பலவீனப்பட்டு
திக்கியது...

அதன் வார்த்தைகளைக்
கோர்த்து பலனிருக்கவில்லை...

அத்தனையும் ஒன்றற்கொன்று
தொடர்பற்ற,
பொருளற்ற
வார்த்தைகள்...

அர்த்தங்களை வெறுப்புடன்
நிராகரித்துவிட்டு கோர்க்கப்பட்ட‌
ஓசைகளின் முறையான பிழைகள் போல‌
இருப்பதில்லை இந்த விளக்குகளின்
வார்த்தைகள்...

இவைகள் திக்கித் திக்கிப்
பேசும் ஒவ்வொரு வார்த்தையிலும்
தனித்தனியே இயங்குகிறது
ஒரு வண்ண உலகம்...

நன்றி
உயிர்மையின் உயிரோசை கலை இலக்கிய இதழ்(http://uyirmmai.com/uyirosai/Contentdetails.aspx?cid=5443)