மார்கழிமாத ஊதற்காற்று,
வேகங்கூடிய நான்கு சக்கர
எந்திரக்குதிரையின்
பின்னிருக்கையில் என்னை
எழுப்பிவிட்ட தாமதக்கணங்களில்
ஒரு துரித உணவகம்,
ஒரு துணிக்கடை,
ஒரு அடகுக்கடை,
ஒரு நகைக்கடை,
ஒரு பெட்டிக்கடை,
ஒரு மளிகைக்கடை
இவற்றினூடே அவசரமாய்க்
கடந்துபோய்விட்டிருந்தது அந்த மருந்தகம்...
அடுத்த நாளின் விடுமுறையில்
மூடிய மருந்தகத்தின் கதவுகளில்
வலுத்துவிடக்கூடிய ஜலதோஷத்தின்
சாத்தியங்களை நான் முனுமுனுக்கையில்
கேட்கிறது அந்தக் குரல்
'ஆமா, இவரு பெரிய
நாஸ்ட்ரடாமஸூ'....
- ராம்ப்ரசாத் சென்னை (ramprasath.ram@googlemail.com)
#நன்றி
உயிர்மை கலை இலக்கிய இதழ்(http://www.uyirmmai.com/uyirosai/Contentdetails.aspx?cid=5138)
